Бүгүн Чоң-Алай районунда Кыргыз Республикасынын Эгемендүүлүк күнүнүн 34 жылдыгы белгиленди.
Иш-чараны Чоң-Алай райондук мамлекеттик администрациясынын башчысы-аким М.Шамырканов ачып, район тургундарын жана конокторун бүгүнкү майрамы менен куттуктады. М.Шамырканов өз сөзүндө, Эгемендүүлүк – ата-бабаларыбыздын ак канаты, эркиндик үчүн күрөшкөн бабалардын аманаты экенин баса белгилеп, биздин милдет – ушул эркиндикти көздүн карегиндей сактап, мекенибизди өнүктүрүү, келечек муундар үчүн бакубат жашоонун пайдубалын түптөө экенине токтолду жана район элине, келген конокторго бекем ден соолук, үй-бүлөлөрүнө бакыт жана тынчтык каалады.
Иш-чаранын жүрүшүндө Аким “Чоң-Алай районунун ардактуу атуулу» наамын жана Чоң-Алай райондук мамлекеттик администрациясынын Ардак грамоталарын, ыраазычылык баракчаларын тапшырды.
Иш-чара райондук маданият бөлүмүнүн концерттик программасы менен коштолду.
Элибиздин ынтымагы чың болуп, өлкөбүздүн көк байрагы дайыма бийик желбирей берсин!
––––––––––––––––––––
Чоң-Алай райондук мамлекеттик администрациясы
