Бүгүн, Чоң-Алай районунун прокуратурасы тарабынан Чон-Алай районунун аймагында ишмердүүлүгүн жүргүзгөн жеке ишкерлерге Кыргыз Республикасынын “Ишкерлердин укуктарын коргоо жөнүндө” Мыйзамы жана Кыргыз Республикасынын Башкы прокуратурасынын “Ишкердиктин субьектилерин текшерүүлөрдү каттоо” автоматташтырылган маалыматтык системасы жана “Бизнести коргоо” мобилдик тиркемеси боюнча түшүндүрүү иштери жүргүзүлүп, “Бизнести коргоо” мобилдик тиркемеси көчүрүлүп берилди.
Отурумда ишкерлерге мыйзамдын талаптары түшүндүрүлүп, “Бизнести коргоо” мобилдик тиркемесинин ичиндеги функциялар баяндалып, ишкерлер тарабынан берилген суроолорго жооптор берилди.
Мындан сырткары, Кыргыз Республикасынын Башкы прокуратурасы тарабынан дайындалган “Сиздин укуктарыңыз жана прокуратура органдарына кайрылуунун тартиби” эскертүүсү менен жеке ишкерлерге тааныштырылды.
––––––––––––––––––––––––––––––
Чоң-Алай райондук мамлекеттик администрациясы
