Кыргыз Республикасынын Президентинин 2023-жылдын 14-мартындагы “Автомобиль жолдорунун жээгиндеги жерлерге (жол тилкесиндеги жана жол боюндагы тилкедеги жерлерде) жол боюндагы тейлөө обьекттерин (анын ичинде сооданы) мыйзамсыз жайгаштырууну алдын алуу жана бөгөт коюу боюнча чаралары жөнүндө” №56 Жарлыгынын алкагында, Чоң-Алай райондук мамлекеттик администрациясынын башчысы-аким М.Шамырканов, биринчи орун басары А.Абдирашитов жана тиешелүү мекеме-ишканалардын жетекчилери менен бирге Чон-Алай айыл өкмөтүнүн Дароот-Коргон айылындагы кызыл сызыкка чыгып курулган курулуш ээлерине кезектеги түшүндүрүү иштерин жүргүзүштү.
Район боюнча кызыл сызыкка чыккан 263 (турак үй, сарай, гараж, соода түйүндөрү, тосмо) курулуш аныкталган. Бүгүнкү күнгө 152 курулуш жылдырылды.
–––––––––––––––––––
Чоң-Алай райондук мамлекеттик администрациясы
