2025-2030-жылдарга түзүлгөн Кыргыз Республикасында коррупцияга каршы аракеттенүү боюнча мамлекеттик стратегияны ишке ашыруу боюнча бекитилген иш-чаралар планына ылайык, 9 декабрь Коррупцияга каршы күрөшүүнүн Эл аралык күнүнө карата Чоң-Алай районунун прокуратурасы тарабынан Чоң-Алай районундагы Ж.Газыбекова атындагы №44 кесиптик лицейи мекемесинин студенттери, ошондой эле, Алайчы уулу Саит атындагы инновациялык орто мектебинин жана А.Мурзакулов атындагы орто мектебинин жогорку класстардын окуучулары жана мугалимдери менен “Коррупцияга каршы бирге!” темасында тегерек стол болуп өттү.
Анда коррупцияга каршы аракеттенүү, ченемдик-укуктук актылар жана актуалдуу маселелер тууралуу лекциялар баяндалып, окуучулар тарабынан даярдалган сүрөттөр, видеороликтер боюнча талкуулар болуп, окуучулар кызыккан суроолорго жооп берилди.
–––––––––––––––––––––––––––––––––
Чоң-Алай райондук мамлекеттик администрациясы
