2025-жылдын 9-октябрында Чоң-Алай районунун Дароот-Коргон айылындагы Б.Акимбеков атындагы Маданият үйүндө Билим берүү кызматкерлеринин күнү салтанаттуу белгиленди.
Иш-чарага Чоң-Алай районунун акими М.Т.Шамырканов, райондук мекеме-ишканалардын жетекчилери, жергиликтүү өз алдынча башкаруу органдарынын башчылары, ардагер мугалимдер жана агай-эжелер катышышты.
Алгач райондук мамлекеттик администрациясынын башчысы-аким М.Шамырканов мугалимдерди кесиптик майрамы менен куттуктап, алардын коомдогу орду жана эмгеги жогору бааланарын белгиледи.
Мугалимдердин эмгегин баалоо максатында, Чон-Алай райондук мамлекеттик администрациясы райондогу мектептердин, мектепке чейинки билим берүү уюму мекемелеринин арасынан 2025-2026-окуу жылынын аягында жыл мыктыларын аныктап, аларга материалдык-моралдык дем берүү боюнча 1 000 000 сом акчалай байге коюла турганын белгиледи.
Майрамдык иш-чаранын жүрүшүндө кесиптик милдетин мыкты аткарган, билим берүүдө мыкты көрсөткүчтөргө жетишкен мугалимдер Кыргыз Республикасынын Президентинин Ош облусундагы ыйгарым укуктуу өкүлүнүн, Чоң-Алай районунун мамлекеттик администрациясынын Ардак грамоталары, Ыраазычылык каттары жана баалуу белектер менен сыйланышты.
Мугалим-элибиздин келечегин калыптандырган, коомго жарык чачкан улуу кесиптин ээси. Бардык мугалимдерге чың ден соолук, үй-бүлөлүк бакубат жашоо жана ийгиликтерди каалайбыз!
––––––––––––––––––––––––––––––
Чоң-Алай райондук мамлекеттик администрациясы
