Бүгүн Чоң-Алай райондук мамлекеттик администрациясынын башчысы-акимдин орун басары Б.Бакыбеков Кашка-Суу Айыл Өкмөтүнүн Бурган-Суу айылында жашап жаткан Памирлик кыргыздарга барып, аларды Чоң-Алай райондук мамлекеттик администрациясынын атынан Жаңы жыл майрамдары менен куттуктады.
Куттуктоо учурунда акимдин орун басары жыл жыйынтыгы менен куттуктап, келе жаткан жаңы жыл тынчтыкты, биримдикти, бакубат турмушту жана мол ырыскыны алып келүүсүн каалады. Ошондой эле Памирлик кыргыздардын каада-салтын сактап, ынтымакта жашап жатышканын белгилеп, аларга чың ден соолук, узун өмүр жана бакыт-таалай каалоолорун билдирди.
Мындай жолугушуулар эл менен бийликтин байланышын бекемдеп, улуттук биримдикти чыңдоого өбөлгө түзөт.
–––––––––––––––––––––––––––––––
Чоң-Алай райондук мамлекеттик администрациясы
