⚖️ Ишкерлер менен түшүндүрүү иштери жүргүзүлдү
Чоң-Алай районунун прокуратурасы тарабынан райондун аймагында иш жүргүзгөн жеке ишкерлер үчүн Кыргыз Республикасынын “Ишкерлердин укуктарын коргоо жөнүндө” Мыйзамынын алкагында түшүндүрүү иш-чарасы өткөрүлдү.
Анда ишкерлерге төмөнкү маселелер боюнча кеңири маалымат берилди:
- Кыргыз Республикасынын Башкы прокуратурасы тарабынан колдонууга берилген “Ишкердиктин субъектилерин текшерүүлөрдү каттоо” автоматташтырылган маалыматтык системасы
- “Бизнести коргоо” аттуу мобилдик тиркемеси
📲 Мобилдик тиркеме – ишкерлер үчүн колдоо куралы
Иш-чаранын жүрүшүндө катышуучуларга “Бизнести коргоо” мобилдик тиркемеси көчүрүлүп берилди. Программа аркылуу ишкерлер:
- текшерүүлөрдү реалдуу убакытта каттай алышат
- мыйзам бузуулар тууралуу маалымдап, коргоого кайрыла алышат
- өз укуктары тууралуу ыкчам маалымат алышат
Ошондой эле ишкерлердин суроолоруна тиешелүү кызмат өкүлдөрү тарабынан толук жооптор берилди.
🤝 Мыйзамдуулук жана колдоо – ийгиликтүү ишкердиктин негизи
Бул түшүндүрүү иш-чарасы — Чоң-Алай районунда ишмердүүлүк жүргүзгөн ишкерлерди укуктук жактан колдоого алуу, ачык-айкындыкты камсыз кылуу, жана мыйзамдуу бизнес жүргүзүү үчүн шарттарды жакшыртуу максатын көздөйт.
🖋️
Чоң-Алай райондук мамлекеттик администрациясы
