Мазмунга өтүү 
Бүгүн 1-июлда Чоң-Алай райондук мамлекеттик администрациясынын башчысы-аким М.Шамырканов 2024-2025-бүтүрүү окуу жылындагы жалпы республикалык тестирлөөдөн Чоң-Алай районунан жогорку балл алган бүтүрүүчүлөрдү кабыл алды.
Чоң-Алай району боюнча эң жогорку 209 балл алган “Кыргызстан” орто мектебинин 11-классынын бүтүрүүчүсү Маматысакова Бүбүсара Эркинбаевнага Чоң-Алай райондук мамлекеттик администрациясынын атынан акчалай сыйлык жана ыраазычылык баракчасын тапшырды.
Андан кийинки жогорку балл алган төмөндөгү бүтүрүүчүлөргө:
А.Мурзакулов атындагы орто мектебинин 11-классынын бүтүрүүчүсү Юсупов Исламбек Ниязбекович;
Ленин орто мектебинин 11-классынын бүтүрүүчүсү Турдукулова Каухар Коңурбаевна;
“Көк-Суу” орто мектебинин 11-классынын бүтүрүүчүсү Абдраимов Адилет Абдималикович;
К.Жапаров атындагы орто мектебинин 11-классынын бүтүрүүчүсү Куштарова Айседеп Абдикадыровна;
“Ак-Суу” орто мектебинин 11-классынын бүтүрүүчүсү Жапарова Айзирек Ибрагимовналарга да Чоң-Алай райондук мамлекеттик администрациясынын акчалай сыйлыгын жана жеке ишкер Б.Исматиллаевдин сертификаттарын тапшырды.
Аким М.Шамырканов өз сөзүндө 11 жыл алган билимдерин, ата-энесинен алган тарбиясын туура пайдаланып, өлкөбүздүн, анын ичинде районубуздун өнүгүүсү үчүн салым кошо бериштерине ишенимин билдирүү менен бирге,
Кесип тандоо – келечекти тандоо демекчи, бүтүрүүчүлөрдү туура кесипке багыт алууга чакырып өттү. Анткени, өлкөбүздүн өнүгүүсү өз ишин мыкты билген, билимдүү кадрлардан көз каранды.
–––––––––––––––––––––––––––––––––
Чоң-Алай райондук мамлекеттик администрациясы
