Мазмунга өтүү 
Бүгүн Чоң-Алай айыл өкмөтүнүн Жаш-Тилек жана Чак айылдарында жергиликтүү тургундардын катышуусунда элдик жыйын өткөрүлдү.
Жыйынга Чоң-Алай райондук мамлекеттик администрациясынын башчысы-аким М.Шамырканов биринчи орун басары А.Абдирашитов, орун басары Б.Бакыбеков менен бирге мекеме-уюмдардын жетекчилери жана жергиликтүү тургундар катышып, аймактагы актуалдуу маселелер талкууланды.
Жыйындын жүрүшүндө айыл аймакты өнүктүрүү, социалдык инфраструктураны жакшыртуу, калкты таза суу менен камсыздоо, жолдордун абалы, электр энергиясы, жер маселелери жана башка маанилүү көйгөйлөр көтөрүлдү. Ошондой эле жарандардын сунуш-пикирлери угулуп, көйгөйлөрдү чечүү боюнча тиешелүү тапшырмалар берилди.
Жыйындын жыйынтыгында көтөрүлгөн маселелерди чечүү боюнча тиешелүү иштер жүргүзүлөрү айтылып, эл менен тыгыз иш алып баруу мындан ары да уланары белгиленди.
––––––––––––––––––––––––––––––
Чоң-Алай райондук мамлекеттик администрациясы
